ਜਲੰਧਰ , 6 ਜੂਨ - ਉਘੇ ਟੀ.ਵੀ.ਚੈਨਲ ਐਨ.ਡੀ.ਟੀ.ਵੀ. ਦੇ ਸਹਿ ਸੰਸਥਾਪਕ ਪ੍ਰਨੋਏ ਰਾਏ ਅਤੇ ਉਨ੍ਹਾਂ ਦੀ ਪਤਨੀ ਵਿਰੁੱਧ ਝੂਠਾ ਕੇਸ ਦਰਜ ਕਰਕੇ ਸੀ.ਬੀ.ਆਈ. ਵਲੋਂ ਉਨ੍ਹਾਂ ਦੇ ਘਰ ਤੇ ਦਫਤਰ ਉਪਰ ਮਾਰੇ ਗਏ ਛਾਪਿਆਂ ਦੀ ਜ਼ੋਰਦਾਰ ਨਿਖੇਧੀ ਕਰਦਿਆਂ ਆਰ.ਐਮ.ਪੀ.ਆਈ. ਦੇ ਜਨਰਲ ਸਕੱਤਰ ਸਾਥੀ ਮੰਗਤ ਰਾਮ ਪਾਸਲਾ ਨੇ ਇਸਨੂੰ ਮੋਦੀ ਸਰਕਾਰ ਦਾ ਪ੍ਰੈਸ ਦੀ ਆਜ਼ਾਦੀ ਉਪਰ ਸ਼ਰਮਨਾਕ ਹਮਲਾ ਕਰਾਰ ਦਿੱਤਾ ਹੈ।
ਅੱਜ ਏਥੇ ਜਾਰੀ ਕੀਤੇ ਗਏ ਪ੍ਰੈਸ ਬਿਆਨ ਵਿਚ ਸਾਥੀ ਪਾਸਲਾ ਨੇ ਕਿਹਾ ਕਿ ਇਸ ਚੈਨਲ ਦੀ ਲੋਕਾਂ ਅੰਦਰ ਵੱਧ ਰਹੀ ਪ੍ਰਤਿਸ਼ਠਾ ਅਤੇ ਭਰੋਸੇਯੋਗਤਾ ਤੋਂ ਘਬਰਾਈ ਹੋਈ ਸਰਕਾਰ ਦੀ ਇਹ ਘਿਨੌਣੀ ਕਾਰਵਾਈ ਉਸਦੀ ਬੁਖਲਾਹਟ ਦੀ ਪ੍ਰਤੀਕ ਹੈ। ਇਸ ਟੀ.ਵੀ. ਚੈਨਲ ਦਾ ਸੰਚਾਲਨ ਕਰਨ ਵਾਲੀ ਕੰਪਨੀ ਵਲੋਂ ਕਿਸੇ ਬੈਂਕ ਤੋਂ 2008 ਵਿਚ ਲਏ ਗਏ ਕਰਜ਼ੇ ਦੀ ਪੂਰੀ ਵਾਪਸੀ ਹੋ ਜਾਣ ਦੇ ਬਾਵਜੂਦ ਕੰਪਨੀ ਦੇ ਸਹਿਸੰਸਥਾਪਕ ਉਪਰ 8 ਸਾਲ ਬਾਅਦ ਧੋਖਾਧੜੀ ਦਾ ਅਪਰਾਧਕ ਕੇਸ ਦਰਜ ਕਰਨਾ ਬਦਲਾ ਲਊ ਮੰਦੀ ਭਾਵਨਾ ਨਾਲ ਕੀਤੀ ਗਈ ਇਕ ਨਿਰੋਲ ਹੁਜੱਤਬਾਜੀ ਹੈ। ਸਰਕਾਰ ਦੀਆਂ ਪਿਛਾਖੜੀ ਤੇ ਲੋਕ ਮਾਰੂ ਨੀਤੀਆਂ ਦੀ ਇਸ ਚੈਨਲ ਵਲੋਂ ਨਿਡਰਤਾ ਸਹਿਤ ਕੀਤੀ ਜਾ ਰਹੀ ਆਲੋਚਨਾ ਤੋਂ ਜਾਪਦਾ ਹੈ ਕਿ ਮੋਦੀ ਸਰਕਾਰ ਬੁਰੀ ਤਰ੍ਹਾਂ ਤੜਫ ਉਠੀ ਹੈ ਅਤੇ ਚੈਨਲ ਦਾ ਮੂੰਹ ਬੰਦ ਕਰਨ ਦੇ ਅਜਿਹੇ ਗੈਰ ਜਮਹੂਰੀ ਤੇ ਹੋਛੇ ਕਦਮਾਂ 'ਤੇ ਉਤਾਰੂ ਹੋ ਗਈ ਹੈ।
ਸਾਥੀ ਪਾਸਲਾ ਨੇ ਦੇਸ਼ ਦੇ ਸਮੂਹ ਇਨਸਾਫ ਪਸੰਦ ਤੇ ਜਮਹੂਰੀਅਤ ਪਸੰਦ ਲੋਕਾਂ ਨੂੰ ਸਰਕਾਰ ਦੇ ਅਜਿਹੇ ਹਿਟਲਰਸ਼ਾਹੀ ਕਦਮਾਂ ਦਾ ਵਿਆਪਕ ਰੂਪ ਵਿਚ ਵਿਰੋਧ ਕਰਨ ਦੀ ਅਪੀਲ ਕੀਤੀ ਹੈ।
ਅੱਜ ਏਥੇ ਜਾਰੀ ਕੀਤੇ ਗਏ ਪ੍ਰੈਸ ਬਿਆਨ ਵਿਚ ਸਾਥੀ ਪਾਸਲਾ ਨੇ ਕਿਹਾ ਕਿ ਇਸ ਚੈਨਲ ਦੀ ਲੋਕਾਂ ਅੰਦਰ ਵੱਧ ਰਹੀ ਪ੍ਰਤਿਸ਼ਠਾ ਅਤੇ ਭਰੋਸੇਯੋਗਤਾ ਤੋਂ ਘਬਰਾਈ ਹੋਈ ਸਰਕਾਰ ਦੀ ਇਹ ਘਿਨੌਣੀ ਕਾਰਵਾਈ ਉਸਦੀ ਬੁਖਲਾਹਟ ਦੀ ਪ੍ਰਤੀਕ ਹੈ। ਇਸ ਟੀ.ਵੀ. ਚੈਨਲ ਦਾ ਸੰਚਾਲਨ ਕਰਨ ਵਾਲੀ ਕੰਪਨੀ ਵਲੋਂ ਕਿਸੇ ਬੈਂਕ ਤੋਂ 2008 ਵਿਚ ਲਏ ਗਏ ਕਰਜ਼ੇ ਦੀ ਪੂਰੀ ਵਾਪਸੀ ਹੋ ਜਾਣ ਦੇ ਬਾਵਜੂਦ ਕੰਪਨੀ ਦੇ ਸਹਿਸੰਸਥਾਪਕ ਉਪਰ 8 ਸਾਲ ਬਾਅਦ ਧੋਖਾਧੜੀ ਦਾ ਅਪਰਾਧਕ ਕੇਸ ਦਰਜ ਕਰਨਾ ਬਦਲਾ ਲਊ ਮੰਦੀ ਭਾਵਨਾ ਨਾਲ ਕੀਤੀ ਗਈ ਇਕ ਨਿਰੋਲ ਹੁਜੱਤਬਾਜੀ ਹੈ। ਸਰਕਾਰ ਦੀਆਂ ਪਿਛਾਖੜੀ ਤੇ ਲੋਕ ਮਾਰੂ ਨੀਤੀਆਂ ਦੀ ਇਸ ਚੈਨਲ ਵਲੋਂ ਨਿਡਰਤਾ ਸਹਿਤ ਕੀਤੀ ਜਾ ਰਹੀ ਆਲੋਚਨਾ ਤੋਂ ਜਾਪਦਾ ਹੈ ਕਿ ਮੋਦੀ ਸਰਕਾਰ ਬੁਰੀ ਤਰ੍ਹਾਂ ਤੜਫ ਉਠੀ ਹੈ ਅਤੇ ਚੈਨਲ ਦਾ ਮੂੰਹ ਬੰਦ ਕਰਨ ਦੇ ਅਜਿਹੇ ਗੈਰ ਜਮਹੂਰੀ ਤੇ ਹੋਛੇ ਕਦਮਾਂ 'ਤੇ ਉਤਾਰੂ ਹੋ ਗਈ ਹੈ।
ਸਾਥੀ ਪਾਸਲਾ ਨੇ ਦੇਸ਼ ਦੇ ਸਮੂਹ ਇਨਸਾਫ ਪਸੰਦ ਤੇ ਜਮਹੂਰੀਅਤ ਪਸੰਦ ਲੋਕਾਂ ਨੂੰ ਸਰਕਾਰ ਦੇ ਅਜਿਹੇ ਹਿਟਲਰਸ਼ਾਹੀ ਕਦਮਾਂ ਦਾ ਵਿਆਪਕ ਰੂਪ ਵਿਚ ਵਿਰੋਧ ਕਰਨ ਦੀ ਅਪੀਲ ਕੀਤੀ ਹੈ।
No comments:
Post a Comment