ਸਾਥੀ ਪਾਸਲਾ ਨੇ ਸਮੁਚੇ ਦੇੇਸ਼, ਖਾਸਕਰ ਪੰਜਾਬ, ਹਰਿਆਣਾ ਦੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਹਰ ਕੀਮਤ ਉਤੇ ਭਵਿੱਖ ਵਿਚ ਅਜਿਹੀਆਂ ਘਟਨਾਵਾਂ ਨੂੰ ਵਾਪਰਨ ਤੋਂ ਰੋਕਣ ਲਈ ਅੱਗੇ ਆਉਣ ਅਤੇ ਆਪਸੀ ਭਾਈਚਾਰਾ ਤੇ ਸ਼ਾਂਤੀ ਬਣਾਈ ਰੱਖਣ। ਧਰਮ ਤੇ ਰਾਜਨੀਤੀ ਨੂੰ ਰਲਗੱਡ ਕਰਨ ਨਾਲ ਸਮੁਚੇ ਸਮਾਜ ਤੇ ਖਾਸਕਰ ਭਾਈਚਾਰਕ ਏਕਤਾ ਨੂੰ ਕਿੰਨਾ ਨੁਕਸਾਨ ਹੁੰਦਾ ਹੈ, ਇਨ੍ਹਾਂ ਘਟਨਾਵਾਂ ਕਾਰਨ ਇਕ ਵਾਰ ਫਿਰ ਸਪਸ਼ਟ ਹੋ ਗਿਆ ਹੈ। ਭਾਜਪਾ ਧਰਮ ਤੇ ਰਾਜਨੀਤੀ ਰਲਗੱਡ ਕਰਕੇ ਇਹੀ ਅਮਲ ਦੇਸ਼ ਪੱਧਰ ਉਪਰ ਅਜਮਾਉੁਣਾ ਚਾਹੁੰਦੀ ਹੈ, ਜਿਸ ਵਿਰੁੱਧ ਸਾਰੇ ਦੇਸ਼ਵਾਸੀਆਂ ਨੂੰ ਇਕਜੁੱਟ ਹੋਣ ਦੀ ਲੋੜ ਹੈ। ਸਾਥੀ ਪਾਸਲਾ ਨੇ ਭਾਜਪਾ ਐਮ.ਪੀ. ਸ਼ਾਕਸ਼ੀ ਮਹਾਰਾਜ ਦੇ ਬਿਆਨ ਦੀ ਵੀ ਕਰੜੇ ਸ਼ਬਦਾਂ ਵਿਚ ਨਿਖੇਧੀ ਕੀਤੀ ਹੈ, ਜਿਸਨੇ ਬੜੀ ਬੇਸ਼ਰਮੀ ਨਾਲ ਔਰਤਾਂ ਵਿਰੁੱਧ ਕੀਤੇ ਗਏ ਕੁਕਰਮਾਂ ਕਾਰਨ ਸੱਚਾ ਸੌਦਾ ਮੁਖੀ ਨੂੰ ਹੋਈ ਸਜ਼ਾ ਦੇ ਸੰਦਰਭ ਵਿਚ ਬਲਾਤਕਾਰ ਵਰਗੇ ਘਿਨਾਉਣੇ ਪਾਪ ਨੂੰ ਧਾਰਮਿਕ ਸ਼ਰਧਾ ਹੇਠ ਕੱਜਣ ਦੀ ਕੋਸਿਸ਼ ਕੀਤੀ ਹੈ। ਆਰ.ਐਮ.ਪੀ.ਆਈ. ਨੇ ਡੇਰੇ ਨਾਲ ਜੁੜੇ ਲੱਖਾਂ ਲੋਕਾਂ ਨੂੰ ਵੀ ਸ਼ਾਂਤ ਰਹਿਣ, ਤਰਕ ਨਾਲ ਸੋਚਣ ਅਤੇ ਝੁੂਠ ਨੂੰ ਸਮਝਣ ਦੀ ਵੀ ਅਪੀਲ ਕੀਤੀ ਹੈ।
(ਮੰਗਤ ਰਾਮ ਪਾਸਲਾ)
No comments:
Post a Comment