ਜਲੰਧਰ 20 ਅਗਸਤ - ਭਾਰਤੀ ਇਨਕਲਾਬੀ ਮਾਰਕਸਵਾਦੀ ਪਾਰਟੀ (ਆਰ.ਐਮ.ਪੀ.ਆਈ) ਵਲੋਂ 28 ਅਤੇ 29 ਅਗਸਤ ਨੂੰ ਸੂਬੇ ਭਰ ਦੇ ਪਿੰਡਾਂ/ਕਸਬਿਆਂ 'ਚ ਵੱਡੀ ਪੱਧਰ 'ਤੇ ਕੇਂਦਰੀ ਅਤੇ ਸੂਬਾ ਹਕੂਮਤ ਦੇ ਪੁਤਲੇ ਫੂਕ ਕੇ ਪ੍ਰਦਰਸ਼ਨ ਕੀਤੇ ਜਾਣਗੇ। ਉਕਤ ਫੈਸਲਾ ਅੱਜ ਇਥੇ ਸਾਥੀ ਰਘਬੀਰ ਸਿੰਘ ਪਕੀਵਾਂ ਦੀ ਪ੍ਰਧਾਨਗੀ ਹੇਠ ਹੋਈ ਪਾਰਟੀ ਸੂਬਾ ਸਕੱਤਰੇਤ ਦੀ ਮੀਟਿੰਗ ਵਿਚ ਲਿਆ ਗਿਆ। ਮੀਟਿੰਗ ਦੇ ਫੈਸਲੇ ਜਾਰੀ ਕਰਦਿਆਂ ਸਾਥੀ ਗੁਰਨਾਮ ਸਿੰਘ ਦਾਊਦ ਨੇ ਦੱਸਿਆ ਕਿ ਉਕਤ ਪੁਤਲਾ ਫੂਕ ਮੁਜ਼ਾਹਰੇ ਕੇਂਦਰ ਸਰਕਾਰ ਵਲੋਂ ਠੋਸੇ ਗਏ ਜੀ.ਐਸ.ਟੀ. ਦੇ ਸਿੱਟੇ ਵਜੋਂ ਆਮ ਖਪਤਕਾਰਾਂ 'ਤੇ ਪੈ ਰਹੇ ਅਕਹਿ ਭਾਰ ਵਿਰੁੱਧ, ਸਰਕਾਰੀ ਨੀਤੀਆਂ ਦੇ ਸਿੱਟੇ ਵਜੋਂ ਦਿਨੋ ਦਿਨ ਭਿਆਨਕ ਹੁੰਦੀ ਜਾ ਰਹੀ ਬੇਰੋਜਗਾਰੀ ਖਿਲਾਫ਼ ਅਤੇ ਕਿਸਾਨਾਂ-ਖੇਤ ਮਜ਼ਦੂਰਾਂ ਦੇ ਕਰਜ਼ੇ ਮੁਆਫ ਕਰਨ ਤੋਂ ਭੱਜਣ ਦੀ ਕੇਂਦਰੀ ਅਤੇ ਸੂਬਾ ਹਕੂਮਤ ਦੀ ਬਦਨੀਅਤ ਖਿਲਾਫ਼ ਕੀਤੇ ਜਾ ਰਹੇ ਹਨ। ਸਾਥੀ ਦਾਊਦ ਨੇ ਸਮੂਹ ਪਾਰਟੀ ਇਕਾਈਆਂ, ਹਮਦਰਦਾਂ ਅਤੇ ਜਨਸੰਗਠਨਾਂ ਨੂੰ ਸੱਦਾ ਦਿੱਤਾ ਕਿ ਉਕਤ ਸੱਦੇ ਦੀ ਸਫਲਤਾ ਲਈ ਪੂਰੇ ਸੰਜੀਦਾ ਯਤਨ ਕਰਨ। ਸੂਬਾ ਸਕੱਤਰੇਤ ਵਲੋਂ ਸਮੂਹ ਕਿਰਤੀ, ਕਿਸਾਨਾਂ 'ਤੇ ਹੋਰ ਮਿਹਨਤੀ ਵਰਗਾਂ ਨੂੰ ਉਕਤ ਐਕਸ਼ਨਾਂ ਵਿਚ ਪਰਿਵਾਰਾਂ ਸਮੇਤ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਗਈ।
ਜਾਰੀ ਕਰਤਾ
(ਗੁਰਨਾਮ ਸਿੰਘ ਦਾਊਦ)
No comments:
Post a Comment