ਜਲੰਧਰ, 26 ਮਾਰਚ - ਭਾਰਤੀ ਇਨਕਲਾਬੀ ਮਾਰਕਸਵਾਦੀ ਪਾਰਟੀ (ਆਰ.ਐਮ.ਪੀ.ਆਈ.) ਦੇ ਜਨਰਲ ਸਕੱਤਰ ਕਾਮਰੇਡ ਮੰਗਤ ਰਾਮ ਪਾਸਲਾ ਨੇ ਗੁਜਰਾਤ ਵਿਖੇ ਹੋਈਆਂ ਖੂਨੀ ਫਿਰਕੂ ਝੜਪਾਂ 'ਤੇ ਡੂੰਘੀ ਚਿੰਤਾ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਬੀਤੇ ਕੱਲ ਗੁਜਰਾਤ ਦੇ ਜ਼ਿਲ੍ਹਾ ਪਾਟਣ ਦੇ ਪਿੰਡ ਬਡਵਾਲੀ ਵਿਖੇ ਦਸਵੀਂ ਪੜ੍ਹਦੇ ਸਕੂਲੀ ਬੱਚਿਆਂ ਦੇ ਘਰ ਮੁੜਦਿਆਂ ਹੋਏ ਤਕਰਾਰ ਤੋਂ ਬਾਅਦ ਉਥੇ ਹਥਿਆਰਬੰਦ ਖੂਨੀ ਝੜਪਾਂ ਹੋਈਆਂ ਹਨ। ਕੀਮਤੀ ਜਾਨਾਂ ਜਾਣ ਤੋਂ ਇਲਾਵਾ ਘਰਾਂ ਦੀ ਵੱਡੇ ਪੱਧਰ 'ਤੇ ਸਾੜ ਫੂਕ ਵੀ ਕੀਤੀ ਗਈ ਹੈ। ਕਮਿਊਨਿਸਟ ਆਗੂ ਨੇ ਖਦਸ਼ਾ ਜਾਹਿਰ ਕੀਤਾ ਹੈ ਕਿ ਫਿਰਕੂ ਤਾਕਤਾਂ, ਆਪਣੀ ਰੱਦੀ, ਪ੍ਰਸ਼ਾਸ਼ਕੀ ਕਾਰਗੁਜਾਰੀ ਕਰਕੇ ਲੋਕ ਮਨਾਂ 'ਚੋਂ ਹੋਏ ਨਿਖੇੜੇ ਤੋਂ ਪਾਰ ਪਾਉਣ ਲਈ ਫਿਰਕੂ ਕਤਾਰਬੰਦੀ ਦੇ ਆਪਣੇ ਪੁਰਾਣੇ ਘ੍ਰਿਣਤ ਹਥਕੰਡਿਆਂ 'ਤੇ ਉਤਰ ਆਈਆਂ ਲੱਗਦੀਆਂ ਹਨ।
ਕਾਮਰੇਡ ਪਾਸਲਾ ਨੇ ਜਿੱਥੇ ਗੁਜਰਾਤ ਦੇ ਸਾਰੇ ਫਿਰਕਿਆਂ ਦੇ ਆਮ ਲੋਕਾਂ ਨੂੰ ਇਸ ਭਰਾਮਾਰੂ ਸਾਜਿਸ਼ਾਂ ਤੋਂ ਖਹਿੜਾ ਛੁਡਾਉਣ ਦੀ ਅਪੀਲ ਕੀਤੀ ਉਥੇ ਦੇਸ਼ ਭਰ ਦੇ ਪ੍ਰਗਤੀਵਾਦੀ ਭਾਈਚਾਰੇ ਨੂੰ ਸੱਦਾ ਦਿੱਤਾ ਕਿ ਉਹ ਇਹ ਸੁਨਿਸ਼ਚਿਤ ਕਰਨ ਲਈ ਹਰ ਸੰਭਵ ਯਤਨ ਕਰਨ ਕਿ ਗੁਜਰਾਤ 'ਚ ਚੋਣਾਂ ਜਿੱਤਣ ਲਈ ਕਿਤੇ ਗੋਧਰਾ ਦਾ ਕਲੰਕਿਤ ਇਤਿਹਾਸ ਮੁੜ ਨਾ ਦੁਹਰਾਇਆ ਜਾਵੇ। ਉਨ੍ਹਾਂ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਸਥਾਨਕ ਅਦਾਰਿਆਂ 'ਚ ਅਤੇ ਵਿਧਾਨ ਸਭਾਵਾਂ ਦੀ ਉਪ ਚੋਣ 'ਚ ਹੋਈ ਹਾਰ ਨੂੰ ਫਿਰਕੂ ਨਫਰਤ ਰਾਹੀਂ ਜਿੱਤ 'ਚ ਤਬਦੀਲ ਕਰਨ ਦੇ ਯਤਨਾਂ ਦੀਆਂ ਸੰਭਾਵਨਾਵਾਂ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ।
ਕਾਮਰੇਡ ਪਾਸਲਾ ਨੇ ਜਿੱਥੇ ਗੁਜਰਾਤ ਦੇ ਸਾਰੇ ਫਿਰਕਿਆਂ ਦੇ ਆਮ ਲੋਕਾਂ ਨੂੰ ਇਸ ਭਰਾਮਾਰੂ ਸਾਜਿਸ਼ਾਂ ਤੋਂ ਖਹਿੜਾ ਛੁਡਾਉਣ ਦੀ ਅਪੀਲ ਕੀਤੀ ਉਥੇ ਦੇਸ਼ ਭਰ ਦੇ ਪ੍ਰਗਤੀਵਾਦੀ ਭਾਈਚਾਰੇ ਨੂੰ ਸੱਦਾ ਦਿੱਤਾ ਕਿ ਉਹ ਇਹ ਸੁਨਿਸ਼ਚਿਤ ਕਰਨ ਲਈ ਹਰ ਸੰਭਵ ਯਤਨ ਕਰਨ ਕਿ ਗੁਜਰਾਤ 'ਚ ਚੋਣਾਂ ਜਿੱਤਣ ਲਈ ਕਿਤੇ ਗੋਧਰਾ ਦਾ ਕਲੰਕਿਤ ਇਤਿਹਾਸ ਮੁੜ ਨਾ ਦੁਹਰਾਇਆ ਜਾਵੇ। ਉਨ੍ਹਾਂ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਸਥਾਨਕ ਅਦਾਰਿਆਂ 'ਚ ਅਤੇ ਵਿਧਾਨ ਸਭਾਵਾਂ ਦੀ ਉਪ ਚੋਣ 'ਚ ਹੋਈ ਹਾਰ ਨੂੰ ਫਿਰਕੂ ਨਫਰਤ ਰਾਹੀਂ ਜਿੱਤ 'ਚ ਤਬਦੀਲ ਕਰਨ ਦੇ ਯਤਨਾਂ ਦੀਆਂ ਸੰਭਾਵਨਾਵਾਂ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ।
No comments:
Post a Comment